السلام عليكم مرحبا اصدقائي
لاني احب الشغلات الطبيعيه والسهله
دايم اميل للخلطات البسيطه الي غير مكلفه 🎯
اول نقطه احب اوضحها لازم تعرفي نوع بشرة جسمك (دهنيه، جافه ، حساسه)
علشان تفهميها اكثر وتعرفي الي يناسبها
انا مثلا بشرتي جافه
البشرات الجافه تحتاج السنفره بشكل شبه يومي والترطيب المستمر دائما وع طول
🧖🏻♀️سنفرة فرانك المنزليه
بالنسبه لي م استغني عنها ابدا ومن مفضلاتي 😻
طريقتها :
سكر / بن قوه تركي او البن الزائد ف الاه القهوه ( المستعمل) /زيت زيتون
تخلط لحد م توصلين للقوام المناسب
مميزتها :
- ترطيب عاالي وياخذ وقت معاك
- جسمك تحسيه رطب ومخملي ملمسه ♥️🌿
- وتوحد اللون بشكل ملاحظ مع الاستمرار
- تسوي لمعه حلوه بالجسم ✨
📌لازم تشطفي جسمك كويس بعدها علشان م تعدم لك الروب او المنشفه لان احيان يكون البن ناعم
🧖🏻♀️السنفره الثانيه
طريقتها :
سكر /زيت زيتون /زيت النارجين ممكن تستخدمون الي من اي هيرب حلو مرره
الي استخدمه اخذته من الهند مافيه ريحه ابدا
تخلطيها ولوبشرتك دهنيه ضيفي نص ليمونه 🍋
مميزاتها :
- تسنفر من قلب وتحسي بنظافه بعدها
- ترطيبها حلو وتشربه البشره بشكل اسرع يعني مفيده ف ترطيب البشره من داخل
🧖🏻♀️السنفره الثالثه ( استخدمها للوجه )
طريقتها :
سكر /عسل
مميزاتها :
- نتيجتها فوريه اول م تغسلي وجه راح تحسي بشرتك تتنفس
- تخلصك من اللمس الجاف
🧖🏻♀️السنفره الرابعه ( استخدمها للوجه)
دي اسمها السسحر 🧚🏻♀️شي لو تسويه مراح تسيبيه ابدا
اتكلمت عنها امل العمار وهي الي حمستني لها وادمنتها
طريقتها :
بيكربونات الصوديوم
تبللي وجهك وتفركيها
مميزتها :
- نتيجته فوريه
- نظاافه وتعطي نضاره 💫
- لمعه واضحه كانك حاطه برايمر ماك🤩
- مناسبه جدا قبل الميك اب لانها تنظف
- مفيده جدا للي تعاني من الرؤس السودا والمسامات 💛
📌راح تحسي بحراره ووخزات بسيطه عادي تروح غسلي بمويه باده وحطي مرطبك واستمتعي بالنتيجه 🌟
أتمنى الافاده لكم شاركوني الاراء وتجاربكم
تعليقات
إرسال تعليق