همسة لكل عروس

السلام عليكم أصدقائي 

غيمتي اليوم ف توقيت السمر وسير حديثها هتان حب

قررت إني أترك قلبي يتكلم بلغته الغير مرتبه بعفويه بحته..

موضوعي هنا عن الإنطباعات أو الطاقة السلبيه الي تتلقاها العروس أول م تنخطب  م اعتبرها نصايح بقد ماهي همسه محب 

احنا نتاثر بالكلام والنصايح بالانستقرام او غيرها من مواقع التواصل او صديقاتنا وقرايبنا 

نعتقد اننا نفهم اكثر نحس اننا مسيطرين ع الوضع واننا صح ونطبق النصايح ونتوقع نتايج  مقننه..

بس والله ي بنات كل رجال غير عن الثاني حتا لو اخوان يختلفو وكل حياة اثنين هي انعكاس لهم وحدهم بس ..

نصيحتي الي اقولها اسمعي نصايح وجمعيمعلومات وخلي عندك خلفيه تمام بس حذاري   تطبقينها بالنص وتحطي قوانين زي ان الرجال كلهم طماعين او م فيه حب بزواج ابدا وغيرها من قواعداتبرمج عليها كثييير بنات وراحت حياتهم ضحيه لها 

فيه مقوله تقول ( م تفكر فيه الان يصنع مستقبلك )

هم حطو ببالهم تجارب غيرهم وحطو قوانين استقوها من محيطهم مثلا فنالو ف النهايه الي  اتوقعوه ..

احب اضيف نقطه دائما اسالي نفسك انتي راضيه عن الكلمه الفلانيه او التصرف الفلاني الي حتسويه ؟! اذا حسيتي انك مو مرتاحه ابدا لاتسويه لو الكل ضغط عليك والعكس صحيح 

انتي سيدة نفسك ف دي العلاقه ودا بيتك انتي ودا عالمك انتي 

شي انتي صنعيه لك ولنفسك..

من حقك تعيشي حب الافلام الي نشوفها ومن حقك تكون حياتك زي القصص الخياليه انتي   تستاهلي لان ربي عطاك من القدر رجل واختاره لك ف قدميالخير بالظنون والنوايا   ولاتحطي حدود واقعيه لحياتك..

انا ضد كلمة اخفضي سقف احلامك علشان م تنصدمي دي حياتك ودي احلامك ودي امنياتك خوضيها بحب وعيشي بمتعه تحرري من القيود علشان نفسك تستاهل والله 

الدنيا بخير ومليانه رجال فيها الخير والبركه وربي يعطيك نصيبك الي يناسبك 

قال تعالى (الطيبون للطيبات ) ليش النظره السوداويه عارمه عندنا كذا؟! 

والتجارب الحلوه كثيير وبيني وبينكم ترا لكل اثنين خصوصياتهم ودايم النساء تحب تفضفض وتطلع الجانب السلبي علشان ترتاح بس دا م يعني ان حياتهم كلها سيئه 

ف لاتاثر فيك الكلمات الي يحكونها عيشي حياتك بظن حسن وحب وفرح ودايم كني لطيفه واتقبلي اقدارك قبول حسن م فيه شخص كامل بدونعيوب غضي البصر عنها وركزي ع الاجابيات لاتحرمين انوثتك ولاتكسرين جمال ايامك وتشوهيها بافكار سوداويه ابدااا 

 ويارب تكونو سعيدين بحياتكم وتكون أيامكم مليانه خير وبركه